Меню
Поиск
Фотоалбом
Главная » Файлы » ISLOM VA DIN HAQIDA

Ramazondagi besh mukofot

Abu Hurayra (r.a.)dan rivoyat qilingan hadisda Rasululloh (s.a.v.): «Ramazon oyida ummatimga oldingi ummatlarga berilmagan beshta xislat (mukofot) beriladi», deyilgan («Tanbehul g‘ofilin» kitobidan).
«Baqara» surasining 183-oyatida Alloh taolo bunday marhamat qiladi: «...sizlardan oldingi (ummat)larga farz qilingani kabi sizlarga ham ro‘za tutish farz qilindi».
Oyati karimadan ma’lum bo‘ladiki, oldingi ummatlarga ham ro‘za farz qilingan, ammo hadisda aytilganidek, besh mukofot faqat ummati Muhammadga berildi. Zotan, Payg‘ambarimiz (s.a.v.)ning darajalari ulug‘, ummatlariga ko‘rsatilayotgan ikromlar ham shunga ko‘radir.
Yuqorida keltirilgan hadis davomida Payg‘ambarimiz (s.a.v.) besh mukofotni sanab o‘tdilar:
1. «Ro‘zadorning og‘zidan kelayotgan hid Alloh nazdida mushku anbar bo‘yidan ham yaxshiroqdir».
Ro‘za tutib, och qolgan kishining og‘zi hidlanishi tabiiy. Boshqalar uchun noxush tuyulgan bu hid Alloh uchun sevimli. Ro‘zador uchun birinchi mukofot oxiratda og‘zidagi mushk kabi xush islar bilan Alloh taologa ro‘baro‘ bo‘lishidir.
2. «Og‘iz ochgunlaricha farishtalar ular haqiga istig‘for aytib turadilar». Ya’ni, ro‘zador Allohga mahbub banda bo‘lganidek, maxluqotga ham sevimli bo‘ladi. Alloh taoloning hech gunoh qilmaydigan bandalari bo‘lmish farishtalar ro‘za tutgan kishi haqiga duo qiladilar. Demak, ro‘za tutuvchi kishining Alloh huzurida, maxluqot oldida ham qadr-qimmati yuksak – bu ikkinchi mukofot.
3. «Shaytonlar kishanlanib, ilgari qilib yurgan yomonliklarini qila olishmaydi». Bu oyda barcha shaytonlar zanjirband etiladi, boshqa paytlarda bo‘lganidek, erkin harakatlanishlariga izn berilmaydi. Yo‘ldan ozdirish, vasvasa qilish, aldash kabi ishlarni har kungidek osonlik bilan uddalasholmaydi. Ummati Muhammadga uchinchi mukofot – ibodat qilish oson bo‘ladi, yaxshi ish qilishni istaganlar yoqalarini shayton qo‘lidan qutqarishga erishishadi.
4. «Alloh taolo har kuni jannatini bezatib, unga: «Solih bandalarimning dunyodagi mashaqqat va aziyatlari tugab, senga kirishlariga yaqin qoldi», deb aytadi». Ya’ni, ro‘zadorlar uchun to‘rtinchi mukofot – jannat. Oxiratda: «Mening roziligimni ko‘zlab ro‘za tutgan bandalarim, kiringlar», deyilganda jannatdagi Rayyon nomli eshikdan faqat ro‘za tutuvchilargina kirishadi.
5. Beshinchi, eng so‘nggi mukofot, tabiiyki, muborak oyning oxirgi kunlari bilan bog‘liq. «Ramazonning oxirgi kechasida esa ularning gunohlari kechiriladi». Shunda sahobalar: «Ey Rasululloh! O‘sha Qadr kechasi bo‘ladimi?» deb so‘rashdi. Rasululloh (s.a.v.): «Yo‘q, ammo ishchining ish haqi ishni mukammal ado qilib bo‘lganidan keyin beriladi», dedilar». Demak, bu kecha hayit kunining kechasi. Alloh taolo barchamizni hayit ayyomini O‘z mag‘firatiga erishgan holda kutib olgan mas’ud bandalari qatorida qilsin.
Yuqorida sanab o‘tilgan mukofotlar Alloh taolodan Muhammad ummatiga ko‘rsatilgan ulug‘ ehson. Ulardan bebahra qolishdan asrasin! Payg‘ambarimiz (s.a.v.) ta’rif etganlaridek, Alloh taolo barchamizga O‘zini rozi va xushnud qiladigan, qabul etiladigan darajada ro‘za tutishni, ibodatlar, tarovehlarni o‘z vaqtida, o‘z o‘rnida, odob va huzur ila ado etishni nasib aylasin!
“Irfon” taqvimining 2011 yil, 3-sonidan olindi. / Qadriyat.uz


Manba:kun.uz
Категория: ISLOM VA DIN HAQIDA
Просмотров: 7688 | Комментарии: 9 | Рейтинг: 0| Рейтинг: Ramazon
Mavzuga Oid Boshqa Yangiliklar:
Реклама

Всего комментариев: 9
yulduzik666 Amin %)
Like | 0
samiya Оллохимнинг карами кенг Оллох йулида тугри йулдан борели. Барчамизга Оллохни хузуруда ёруг юзли булиш нисиб этсиннн
Like | 0
IM5041994 sabir xudo xoxlasa oz qoldi bu yilgi ramazonga
Like | 0
Yurak [size=22]bu kunlani korish hammamizga nasib etsin [color=red]amin[color=blue] at :(
Like | 0
Mubina пишет: | 21.06.2015 | 00:33 #5 Страница с комментарием
Quyoshcha Xammamizga nasib etsin amin
Like | 0
$hahrizoda Ajoyib malumotlar!
Like | 0
$hahrizoda Judayam yaxshi malumotlar!
Like | 0
Null3340 Hammamizni shunday mukofotlatga yetkazsin!
Like | 0
sokin Illohim qilgan duolariz ijobat bo'lsin...
Like | 0
Элатма: Сайт ходимлари ўзларига ёқмаган изоҳларни фаоллаштирмаслик ва огоҳлантирмасдан ўчириш ҳуқуқига эга. Изоҳлар ҳақида тўлиқ маълумот мана бу манзилда (босинг)
Имя *:
Email:
Код *:

Профил

Время: 17:24
Добро Пожаловать, Mexmon

 
Логин:
Пароль:
Новинка у нас
Самое Популярное
Самое Популярное