Rossiyada kazarmaning qulashi natijasida halok bo‘lganlar soni 18 kishini tashkil etmoqda
12 iyul kuni kechasi Rossiyaning Omsk viloyati hududidagi kazarma binosining qulashi natijasida halok bo‘lganlar soni 18 nafarga yetgan. Bu haqda viloyat huquqni muhofaza qilish organlariga asoslangan holda FlashSiberia xabar bergan.
Xabarda aytilishicha, 19 kishi shifoxonada qolmoqda. Yana bir qancha kishi bedarak yo‘qolgan deb hisoblanmoqda.
Biroz oldinroq, bu halokat qurbonlari soni 12 kishi ekani, halokatdan oldin binoda 37 kishi bo‘lgani haqida xabar berilgandi.
Voqea joyida Moskvadan yetib kelgan maxsus komissiya tekshiruv ishlarini o‘tkazmoqda.
Avvaliga halokatga binoning eskirib ketgani sabab bo‘lgani haqida aytilgandi. Oxirgi ma’lumotlarga ko‘ra, bino yaqinda qurilgandi va qurilish jarayonida e’tiborsizlikka yo‘l qo‘yilgani halokat sababi bo‘lishi mumkin.
Rossiyada kazarmaning qulashi natijasida halok bo‘lganlar soni 18 kishini tashkil etmoqda 
