Sardor Rahimxon real voqealarga asoslangan videoklipini taqdim etdi
May oyida o‘tkaziladigan “Har kuning ulug‘ ne’mat” nomli konsert dasturiga katta tayyorgarlik olib borayotgan xonanda, O‘zbekistonda xizmat ko‘rsatgan artist Sardor Rahimxonning yaqindagina taqdim etgan “Faridam” qo‘shig‘i muxlislar orasida qisqa fursatda ommalashishga ulgurdi. Ma’lum qilganimizdek, tarona uning ijodiga befarq bo‘lmagan, 10 yildan buyon unga sodiq muxlis bo‘lib kelayotgan Farida nomli qizga bag‘ishlangan. Farida sevimli xonandasiga xat yo‘llagan. Maktubda yozilgan voqea xonandani shu qadar ta’sirlantirib yubordiki, shu qizga bag‘ishlab qo‘shiq kuylashga ahd qildi. Ayniqsa undagi “Orzuyim kimdir meni sevib qolsa, meni ismimni qo‘shiq qilib aytsa...” degan satrlari xonandaga juda ta’sir qilgan. Real voqealarga asoslanib yozilgan musiqiy asarga tasvirga tushirilgan video asarda Faridaning hayotini ko‘rsatib berish, maromiga yetkazib tasvirga tushirish klipmeyker Dilmurod Agzamovga topshirilgan. Ayni damda klip tayyor bo‘ldi va saytimiz orqali namoyish etilmoqda. Marhamat, uzoq kutilgan videoklipni tomosha qiling va o‘z fikr-mulohazalaringizni bildiring.
Sardor Rahimxon real voqealarga asoslangan videoklipini taqdim etdi 
