Sardor Rahimxon yangi yil oldidan bir nechta sovg‘a tayyorlaganini ma’lum qildi
O‘zbekistonda xizmat ko‘rsatgan artist Sardor Rahimxon so‘nggi kunlarda qizg‘in ijod bilan band. Gastrol safarlari, turli tadbirlar bo‘lishiga qaramay, u muxlislari uchun bir nechta sovg‘a tayyorlab qo‘yganini va yangi yil oldi birin ketin taqdim qilishini ma’lum qildi. Ulardan biri "Umidvor yurak" taronasi va unga ishlangan klip bo‘lsa, ikkinchisi "Narxi qancha mehrni ayting" qo‘shig‘i uchun tasvirga tushirilgan videoklipidir. Shuningdek, olisdagi vatandoshlarimiz uchun maxsus yozilgan "Musofir" taronasining premerasi ham aynan yangi yil uchun atalgan tuhfalardan biridir. Yangi yilga sevimli xonandangizning atagan sovg‘alari, albatta sizlarga manzur keladi deb umid qilamiz.