Sardor Rahimxonning “Yurtimdan Salom” konsert dasturi
O‘zbekistonda xizmat ko‘rsatgan artist Sardor Rahimxonning muxlislari nafaqat yurtimizda, balki chet davlatlarda ham bisyor ekani sir emas. Xonandaning taronalari-u, kliplarini internet tarmoqlari orqali izlab topib, tinglab, tomosha qiladigan chin ma’nodagi muxlislari Sardorning o‘zi bilan ham internet orqali bog‘lanib muloqotlashib turishadi.
Oktabr oyining 12 sanasida Koreyaning Chang Von shahrida bo‘ladigan konsert dasturi ham ana shunday muxlislar iltimosiga binoan rejalashtirilgan.
Bu konsertga Sardor Rahimxon katta tayyorgarlik ko‘rdi. Biz bilan bog‘langan Sardor shunday deydi:
- Ming shukrki, Koreyaga eson-omon yetib keldik. Bu yerda bizni hamyurtlarimiz iliq va samimiy kutib olishdi. Ko‘pchilik konsert bo‘lmaydi, Sardor kelmasa kerak, deb ishonishmayotgan ekan. Lekin, ishonch bilan aytaman, konsert aniq namoyish etiladi. Bu yerda istiqomat qilayotgan yurtdoshlarimizga Vatanimiz nafasini olib kelganman.
Konsertning nomi "Yurtimdan salom" deb nomlanadi. Sevimli san’atkori qo‘shiqlari va qalbidan chiqqan navolarni tinglagan yurtdoshlarimiz Vatan iforini his etishsa ajabmas.
Sardor Rahimxonning “Yurtimdan Salom” konsert dasturi 
