Qarshingizdagi suratlar orasidan ko`nglingizu ko`zingizga eng yaqinini tanlang va fe`l atvoringizning o`ziga xos jihatlarini bilib oling. Diqqat qiling, tanlovda uzoq ikkilanish yoki o`ylab olish bo`lmasin.
1. KO`NGLI OChIQ INSON
Bu suratni tanlagan kishining fe`l-atvoriga xavas qilsa arziydi. Ular har bir ishni a`lo darajada bajarishga odatlanishgan. Yuqori marralarni ko`zlaydigan va unga erishishda kuch va g`ayratini ayamaydigan desak aslo mubolag`a bo`lmaydi. Bajarayotgan ishlari dunyoni go`zallashtirish uchun amalga oshadi. Shu o`rinda o`z manfaatlarini ham ustun qo`yishlarini unutmaslik lozim. Ammo kamdan-kam insonlargina ularning mehnatini qadrlay oladi.
2. KUYDI –PIShDI...
Agar tanlovingiz ushbu suratga qaratilgan bo`lsa, demak siz o`zgalarning tashvishi bilan kuyib-pishib yashashga odatlangansiz. Zimmangizga qanday vazifa yuklatilmasin, barchasini sidqi dildan bajarasiz va ma`suliyatdan sira cho`chimaysiz. Balki shuning uchun ham atrofdagilarning ishonchini qozongandirsiz. Yaqinlaringiz so`zlab beradigan voqea va hikoyalarni jon deb tinglashadi. Istasangiz, birgina tabassum bilan har qanday qahri qattiq ko`ngilni ham eritib yuborolasiz.
3. O`Z BILGANIDAN QOLMAYDIGAN
Bu toifa kishilardan ajoyib faylasuflar chiqadi. Chunki ular fikrni barcha narsadan ustun qo`yishadi. Bundan tashqari o`zlarining nazariyalarini yolg`izlikda soatlab o`ylab chiqishni xush ko`rishadi. Izlanuvchan, yangilik yaratishga bo`lgan ishtiyoqlari sabab hurmat-izzatda yashashadi. Garchi atrofidagilarning qarorini ma`qullashmasa-da, bu borada muammoga duch kelishmaydi.
4. KO`NGLI NOZIK
Aslida, siz kabi insonlarni hayotda uchratish mushkul. Qalbingiz juda nozik. Ko`nglingizga yaqin insonni izlab, butun umringizni sarf qilishdan ham og`rinmaysiz. Axir qalb ishi bilan hazillashib bo`ladimi?! Shunga qaramay g`ayrioddiy odatlaringiz ham yo`q emas. Ba`zan fikrlaringiz atrofdagilarga tushunarsiz, erish tuyuladi. Ularni noto`g`ri talqin etishganida esa shaxsiy makonga ehtiyoj sezasiz. hayotda yaxshi va yomonni ajrata bilish xususiyati ham sizga begona emas.
5. Mustaqil ...
Bu suratni tanlaganlar har jihatdan erkin va mustaqil kishilardir. Ular hayotda «o`zim bajaraman» shioriga qat`iy amal qilishadi. Yaqinlari va hamkasblari uchun o`rnak bo`lishga odatlanishgan. hayotdan nima istashlarini aniq bilsalar-da, ichki qo`rquv uni amalga oshirishga to`sqinlik qiladi. Ular samimiylik va to`g`riso`zlikni qadrlashadi. Va hamisha haqiqatga tik boqishga intilishadi.
6. TA`SIRChAN
Atrofingizdagilar bilan munosabat o`rnatishda qiyinchilik sezmaysiz. Shu sababdan do`st-dugonalaringiz bisyor. Tabiatan ato etilgan qobiliyatingiz tufayli suhbatdoshingizni osongina o`zingizga rom etasiz. Ko`rsatgan mehr, e`tiboringiz evaziga dilxiralik ko`rsangiz, xafsalangiz pir bo`ladi. Ana shu holatlarga qarshi ruhingizni chiniqtiring.
Vorislar - Loves Moment (serial korea)
Suratlardan qanday insonligingizni aniqlang 
