Toshkentda fohishalik bilan shug‘ullanib kelayotgan 14 nafar ayol jazolandi. Bu haqda Toshkent shahar Ichki ishlar bosh boshqarmasi Matbuot xizmati xabar berdi.

Qayd etilishicha, ichki ishlar xodimlari tomonidan o‘tkazilgan maxsus profilaktik tadbirda 14 nafar ayol fohishalik bilan shug‘ullanib kelayotgani aniqlanib, ushlangan. 

Ular Telegram orqali intim xizmatlarini taklif qilgan.

Mazkur holat sudda ko‘rib chiqilib, ayollarning 6 nafariga nisbatan O‘zbekiston Respublikasining Ma’muriy javobgarlik to‘g‘risidagi kodeksining 190-moddasiga asosan ma’muriy qamoq jazosi, 8 nafariga esa jarima jazolari tayinlangan.