Toshkentning Sirg‘ali tumanidagi mashina bozorida firibgarlik qilib kelgan ikki shaxs qo‘lga olindi. 1978 yilda tug‘ilgan Abdusamad Qobilov Nargiza ismli tanishi bilan birgalikda qalloblik yo‘li bilan pul ishlab kelgani aniqlandi.
Aytilishicha, ular mashina bozorida o‘zlarini er-xotin deb tanishtirib, mashina savdo qilishgan. So‘ng mashina bo‘yicha kelishib, pulning bir qismini berishgan va qolganin 12 oy davomida to‘lash sharti bilan hujjatlarni rasmiylashtirishgan. Ayni paytda, o‘z nomlaridagi mashinani boshqa odamga naqd pulga sotib yuborib, bu pullardan 12 oy mobaynida foydalanishgan.
Sud qarori bilan Abdusamad Qobilov 10 yilga ozodlikdan mahrum qilindi.
Toshkentda mashina firibgarlari 10 yilga qamaldi 
