Меню
Поиск
Фотоалбом
Главная » Файлы » MAHALLIY HABARLAR (UZB)

Toshkentda kollej o‘quvchisi o‘rtoqlarini pichoqladi


Bugun, 6 oktabr kuni Toshkent shahridagi kasb-hunar kollejlaridan birida bir nafar shaxsning o‘limiga sabab bo‘lgan baxtsiz hodisa yuz berdi.

6 oktabr kuni soat 10:05da, Uchtepa tumanida joylashgan Toshkent yuridik kolleji hududida 3-bosqich o‘quvchilari – 2000 yilda tug‘ilgan Saidkamron Saidvali o‘g‘li Saidvoxidov, Asadbek Nodirjon o‘g‘li Parpiboyev hamda 1999 yilda tug‘ilgan Rahmatilla Zufar o‘g‘li Yorqoriev o‘rtalarida kelib chiqqan kelishmovchilik oqibatida o‘zaro janjallashganlar.

Saidkamron Saidvoxidov pichoq bilan Asadbek Parpiboyev va Rahmatilla Yorqorievlarning chap oyoq son qismiga bir martadan urib tan jarohati yetkazgani xabar qilindi.

Natijada Asabdek Parpiboyev “chap son yuqori uchligiga sanchilib kesilgan jarohati, faol qon ketishi” tashhisi bilan Respublika shoshilinch tibbiy yordam ilmiy markazi bolalar bo‘limiga yotqizilgan va olgan tan jarohati oqibatida shifoxonada vafot etgan.

Rahmatilla Yorqorievga “chap son tashqi yuzasi sanchilib kesilgan jarohati” tashhisi bilan Respublika shoshilinch tibbiy yordam ilmiy markazida ambulator tibbiy yordam ko‘rsatilib, uyiga yuborilgan.

Mazkur holat yuzasidan Toshkent shahar IIBB huzuridagi Tergov boshqarmasi tomonidan O‘zbekiston Respublikasi JKning 104-moddasi 3-qismi “d” bandiga asosan jabrlanuvchining o‘lishiga sabab bo‘lgan qasddan badanga og‘ir shikast yetkazish alomatlari bilan jinoyat ishi qo‘zg‘atilib, tergov harakatlari olib borilmoqda.

Zohirshoh Jo‘raev



Категория: MAHALLIY HABARLAR (UZB)
Просмотров: 6403 | Рейтинг: 0| Рейтинг: o'quvchi, pichoqladi
Mavzuga Oid Boshqa Yangiliklar:
Реклама

Всего комментариев: 0
Элатма: Сайт ходимлари ўзларига ёқмаган изоҳларни фаоллаштирмаслик ва огоҳлантирмасдан ўчириш ҳуқуқига эга. Изоҳлар ҳақида тўлиқ маълумот мана бу манзилда (босинг)
Имя *:
Email:
Код *:

Профил

Время: 11:36
Добро Пожаловать, Mexmon

 
Логин:
Пароль:
Новинка у нас
Самое Популярное
Самое Популярное