Toshkentda Sardor Milanoning yakkaxon konsert dasturi bo‘lib o‘tadi
“Rossiya 1” kanalining “Glavnaya ssena” loyihasi g‘olibi Sardor Milano 27-noyabr kuni Toshkentdagi “Istiqlol” san’at saroyida o‘zining yakkaxon konsert dasturini taqdim etadi. Bu haqda “Uz24” xabar beradi.
Qo‘shiqchi O‘zbekiston Yoshlar simfonik orkestri jo‘rligida chiqish qiladi.
“Konsert dasturi juda rang-barang bo‘ladi, barchani hayratga solishni xohlayman. Bu asosan yangi klassikadir. Men ushbu ajoyib ijro uslubini vatandoshlarim va O‘zbekiston mehmonlariga taqdim etuvchi birinchi zamonaviy ijrochilardan biri bo‘lishimdan juda xursandman”, — deydi Sardor Milano Sputnik nashriga bergan intervyusida.
Eslatib o‘tamiz, Sardor Milano “Glavnaya ssena” loyihasida mutlaq g‘oliblikni qo‘lga kiritib, tomoshabinlar ovozining qariyb 37 foizini to‘plashga muvaffaq bo‘lgan edi.
Toshkentda Sardor Milanoning yakkaxon konsert dasturi bo‘lib o‘tadi 
