Меню
Поиск
Фотоалбом
Главная » Файлы » SHOU-BIZNES HABARLARI

Cofiya Rotaru Toshkentda! Ertaga uzoq kutilgan konsert!

Келиши осон бўлмади, олиб келиш ҳам...бироқ, барибир келди!
Бугун тонг саҳарда узоқ кутилган меҳмонни қарши олдик. Меҳмоннинг қадами қутлуғ келган бўлсин-да!  Ахир, унинг концерти учун оз мунча ҳаракат қилиндими?
Халқаро аэрапорт. VIP зал. Салкам  етмишга бориб қолган хонанда ҳануз тетик. Кўзида қоракўзойнак, ўзини тутиши эса ёшларникидай... Гулдасталар улашилди. Суратларга тушилди.  Дарвоқе, бу борада юлдузнинг ўзини олмаслиги, суратга тушишни сўраганга табассум улашиши эътиборга лойиқ.
Ҳа, сўз София ҳақида кетаётганини англадингиз.  Ротару махсус  машинага ўтиргунича, меҳмонхона томон равона бўлди.  Интернейшнл Тошкент меҳмонхонаси холида яна учрашдик. Хонанданинг инжиқлиги тутди. Ташкилотчидан Наташани сўрай бошлади. “Наташа қани? Уни аэропортга ташлаб келдингларми? Қани, Наташа? Наташааааа....”. Ким экан бу Наташа? Софиянинг онасими, опасими ё сингли...жони ҳалак бўлиб сўради? Яхшиям, кимдир Наташа масъул ходимлардан бири билан келаётганини айтди. Бўлмаса, Ротару хонасига ҳам кирмасдан холда кутарди чоғи... Камина учун ҳам бу Наташа дея қайғурилган хонимнинг кимлиги сирлилигича қолди.
Хуллас, иккинчи қаватга кўтарилдик. Ҳамма типирчилаб қолган. Ким хонани кўрсатяпти, ким мева-чева тузалган аравачани хонага олиб киришга интилган, ким меҳмоннинг юкларини ташиш билан овора... Ичкаридан Ротарунинг овози эшитилади. “Мен оч қолдим... Жудаям оч қолдим!”. Нима тановул қилиш истагини сўрашди.
“Мен шерман! Гўшт егим келяпти! Гўшт!”  Ҳа, ҳақиқатан жуда оч кўринади. Саҳардан гўшт? Демак, бунча куч-ғайратни 67сида ҳам ушлаб келаётганининг боиси ҳам маълум бўлди. Ош таклиф этишди. Таклиф Ротаруга жуда ёқиб кетди. Энди тандирдан узилган қайноқ ўзбек нонини ҳам илтимос қилди, йўлдан чарчаб келган хоним.  Меҳмоннинг истагини бажо келтириш учун уч-тўрт йигит чопиб кетди...
Хуллас, концерт ўтгунига қадар хонанданинг барча инжиқликларини кўтаришга, тишини-тишига қўйишга мажбур бўлишади.
Энг муҳими, шунча йил интиқ кутилган концерт кўнгилдагидек ўтсин! Чипта харид қлган мухлислар ишончи оқлансин! Ахир, концертга томошабин хонанданинг бўлса-бўлмаса инжиқлигини кўтаргани эмас, ажойиб концерт дастурини томоша қилиб, маданий ҳордиқ чиқаргани келади.
Шу ўринда, продюсер ҳақида сўз. Ўнта эркак уддалай олмаган ишни бир аёл боши ила не-не туҳмат ва танқид тошларига бардош бериб, санъатнинг асл шайдоси, продюсер  Муродова уддалади. Бундай қиммат гонорар эвазига Ротару ва унинг 30 кишилик жамоасини ҳеч қандай ҳомийларсиз Тошкентга олиб келиб, концерт ташкил этиш унча-мунча ташкилотчи ўз зиммасига ололмайдиган иш. Муродовадаги лафзи ҳалоллик унга янги ғалаба туҳфа этди. Умуман олганда, бу концертдан кўпроқ наф кўраётган продюсердан кўра хонандадир. Шундай экан, Ўзбекистон заминида яккахон концертини юксак даражада ташкил этиб бераётгани учун Ротару Муродовадан умрбўйи миннатдор бўлса арзийди!
3-сентябр, “Истиқлол” саҳнасида илк яккахон билан София Ротару! Байрам шукуҳи кезаётган сентябрнинг илк кунларида ушбу концерт олтин фаслнинг тароватини олтин дамларга айлантиришидан умидвормиз.    
Жасур


Категория: SHOU-BIZNES HABARLARI
Просмотров: 3639 | Комментарии: 2 | Рейтинг: 1| Рейтинг: Toshkent, Cofiya Rotaru
Mavzuga Oid Boshqa Yangiliklar:
Реклама

Всего комментариев: 2
boyvo44abola omad
Like | 0
Mikki Minchayam injiq bumasa
Like | 0
Элатма: Сайт ходимлари ўзларига ёқмаган изоҳларни фаоллаштирмаслик ва огоҳлантирмасдан ўчириш ҳуқуқига эга. Изоҳлар ҳақида тўлиқ маълумот мана бу манзилда (босинг)
Имя *:
Email:
Код *:

Профил

Время: 14:18
Добро Пожаловать, Mexmon

 
Логин:
Пароль:
Новинка у нас
Самое Популярное
Самое Популярное