O‘zbekiston Respublikasi Ichki ishlar vazirligi ijtimoiy tarmoqlarda “Barcha fuqarolar diqqatiga! Shoshilinch xabar! Ichki ishlar vazirligi quyidagi bayonotni e’lon qiladi” deb boshlanib, tarqatilgan e’lon vazirlik tomonidan tayyorlanmaganligini ma’lum qildi.

Hozirgi kunda soxta e’lon tarqatish bilan shug‘ullangan ijtimoiy manbalarni aniqlash yuzasidan tekshiruv ishlari olib borilmoqda.

“Hurmatli fuqarolar! Turli ijtimoiy tarmoqlar orqali tarqalayotgan soxta ma’lumotlarga ishonmang. Aniq va to‘g‘ri ma’lumotlarni faqat rasmiy manbalardan olishingiz mumkin”, deyiladi xabarda.

Sunnatilla Abdullaev