Ucell kompaniyasi abonenti buxorolik Suhrob G‘ulomov
hammadan ko‘p mobil internet trafigini sarflab "Internet-poygalar” aksiyasi
g‘olibiga aylandi. Aksiya davomida — 2013-yilning 20-dekabridan 2014-yilning
20-fevraliga qadar G‘ulomov Ucell mobil internetida 511 153 Mb (499
Gigabaytdan ziyod) trafik ishlatgan. Aksiya g‘olibi bosh sovrin — Malayziyada
bo‘lib o‘tadigan "Formula 1”
Gran-prisiga 2 kishilik yo‘llanmani qo‘lga kiritdi. Bu haqda Mobinfo.uz xabar
berdi.
Mobinfo.uz’ning
hisob-kitoblariga ko‘ra, abonent aksiya davomida g‘alaba qozonish uchun
taxminan 7 121 000 so‘m sarflagan. U yutib olgan sovrin esa quyidagilardan
iborat:
Ikki
kishilik Toshkent—Kuala-Lumpur—Toshkent aviachiptasi,
Gran-pri
o‘tkaziladigan vaqtda Kuala-Lumpur shahridagi 5-yulduzli Prince Hotel &
Residence mehmonxonasida ikki kishilik xona,
2014-yilning
Petronas Malaysia
"Formula 1”
Gran-prisi o‘tkaziladigan Sepang International Circuit avtodromining Sapphire
minbariga ikki kishi uchun chipta.
Nashrning
Toshkentdagi turistik kompaniyalardan birida aniqlashicha,
Malayziyaga ikki kishi uchun bir haftalik "Formula 1”ga tashrif ham
ichida bo‘lgan sayohat narxi 12 million so‘mni tashkil etadi.
Shunday
qilib, buxorolik Suhrob G‘ulomov 7 121 000 so‘m sarflab, 12 million
so‘mlik yutuqni qo‘lga kiritdi.