Меню
Поиск
Фотоалбом
Главная » Файлы » SHOU-BIZNES HABARLARI

Zarina Nizomiddinova: Bahorni har yili intiqlik bilan kutaman


Bahor yaqin... Yilning har bir fasli hayotimda o‘z o‘rniga ega. Ammo bahor ularning hammasidan ham men uchun qadrli va sevimlidir. Tabiat uyg‘onib, hammayoq bahoriy gullar iffori bilan to‘lganda — 29 martda tug‘ilganman. Shuning uchun ham har yili bu faslni intiqlik bilan kutsam kerak.

Dangasalik menimcha, har bir insonda kuzatiladi. Uspenskiy nomidagi Respublika ixtisoslashtirilgan musiqa akadamek litseyida fortepiano yo‘nalishida o‘qiganman. O‘shanda ustozlarim meni juda iqtidorli, deb rosa maqtashgan. Biroq o‘zimning dangasaligim tufayli darslarni uncha yoqtirmasdim, o‘qishga o‘zimni majburlab borardim. Dangasaligim ana shu davrda menga juda qattiq pand bergan. Bugun bundan juda afsuslanaman. Agar o‘shandagi iqtidorimga yarasha biroz mehnat qilganimda bugun aktrisa emas, yaxshi musiqachi bo‘lgan bo‘lardim. Ammo shunday bo‘lsa ham, ustozlarimning o‘rgantganlarini esimda, har zamonda musiqa dunyosiga sayr qilaman.

Kliplarda suratga tushishni yoqtiraman. Men uchun ular mini filmdek bir loyiha. Biroq ahamiyat bergan bo‘lsangiz, so‘nggi paytlarda ikkisida ham kamnamo bo‘lib qoldim. Chunki yaxshi obrazlar bilan ijodimni boyitgim kelayapti. Saviyali klipda yoki kinoga taklif qilishsa, albatta, rozi bo‘laman.

Teatr. Rejissyorlarimiz doim, teatr va kino aktrisalari ijrosida farq bor, deb aytishadi. Nega bilmadim, biroq shu kungacha hech teatrda faoliyat yuritish haqida o‘ylab ko‘rmaganman. Shuning uchun ham muxlislar meni teatr sahnasida ko‘rishmaydi.

Xonandalik. Qo‘shiq kuylash menga juda yoqadi. Ammo profesional darajada shug‘ullanib, xonanda bo‘laman deyolmayman. Bu soha men uchun shunchaki xobbi bo‘lib qolsa kerak. Іa, mavridi kelganda aytib olay, tez kunlarda Shahriyor bilan kuylagan duetimizga baho berishingiz mumkin.

O‘zbek kinosining rivojlanishi uchun... Faqatgina san’atda emas, balki har bir sohada inson o‘z ustida ishlashi orqali ko‘p narsaga erishish mumkin. Shuning uchun ham kelajakda o‘zbek kinosi jahonga chiqishi uchun rejissyorlarimiz, ssenariynavislarimiz va albatta, biz aktyorlar ham tinimsiz izlanishda bo‘lishimiz shart. Ana shunda muvaffaqiyatga erishish osonlashadi.

Shaxsiy hayot... Inson o‘z baxtini uchratish uchun uni izlashga vaqt ketkazishini noto‘g‘ri, deb o‘ylayman. U istagan paytda qalbimizga kirib kelishi mumkin. Men ham nasib qilgan kuni, albatta, baxtimni uchratishimga ishonaman. Bu savolga bundan ortiq batafsil to‘xtalib o‘tishni istamasdim.

San’atkorlar oilasi. Otam san’atkor bo‘lganidan hech qachon uyalmaganman. Va bu sohada ishlaganlari hayotimda hech qanday to‘sqinliklarga sabab bo‘lmagan. Qaerga bormay, dadam haqida faqat yaxshi gaplar aytilardi. Men bundan doim faxr hissini tuyganman.

Tan olaman, bir kamchiligim bor. Bu ham bo‘lsa, qaerga bormay, faqat kechga qolib yuraman. Bu odatimdan uyalsam ham, uni tarbiyalash qo‘limdan kelmayapti.

Ayub Shahobiddinov men uchun haqiqiy iste’doli san’atkor! Ayub aka bilan birgina «Parizod» filmda hamkorlik qilgan bo‘lsak-da, bu butun umrga ta’tigulik bo‘ldi, deb bemalol ayta olaman. Keksayganimda farzandlarim va nabiralarimga rollarimni ko‘rsatib maqtanganimda ham, birinchi o‘rinda «Parizod»ni tilga olsam kerak. Shu kinodagi rolim bilan juda ko‘p muvaffaqiyatlarga erishdim, rahmatlar eshitdim. Buning uchun esa rejissyorga yana bir karra alohida rahmat aytaman.



Категория: SHOU-BIZNES HABARLARI
Просмотров: 5243 | Комментарии: 1 | Рейтинг: 0| Рейтинг: Bahor, Zarina Nizomiddinova
Mavzuga Oid Boshqa Yangiliklar:
Реклама

Всего комментариев: 1
asadbek6908 Ha Zarina mandan tòrt kun keyin tugilgan ekansz
Like | 0
Элатма: Сайт ходимлари ўзларига ёқмаган изоҳларни фаоллаштирмаслик ва огоҳлантирмасдан ўчириш ҳуқуқига эга. Изоҳлар ҳақида тўлиқ маълумот мана бу манзилда (босинг)
Имя *:
Email:
Код *:

Профил

Время: 15:11
Добро Пожаловать, Mexmon

 
Логин:
Пароль:
Новинка у нас
Самое Популярное
Самое Популярное