Xalqimizning sevimli xonandasi Zohirshoh Jo‘raev ma’lumki 3, 4 fevral kunlari "Xalqlar do‘stligi" san’at saroyida "Yaxshi ko‘rib qoldimda" nomli o‘zining ilk yakkaxon konsert dasturini o‘tkazadi. Ayni damda xonanda va uning ijodiy jamoasi konsertga qizg‘in tayyorgarlik ko‘rmoqda. Xonandaning ma’muri bergan ma’lumotlarga qaraganda, hozirgi kunda 15 ga yaqin yangi qo‘shiqlar ustida ish olib borilmoqda. Bu taronalarni yaratishda xonanda bir qator o‘z ishining mohir ustalari bo‘lgan ijodkorlar bilan hamkorlik qilmoqda. Musaxon Nurmatov, Jasur Badalboyev, Abzal Husanov shular jumlasidandir. O‘ylaymizki, konsert kutilganidan ham a’lo darajada o‘tadi va kutilmagan tuhfalari bilan esda qolarli dasturlardan biri bo‘ladi.
Zohirshoh Jo‘raevning konsert dasturiga oz qoldi 
