Angliya janubi-g‘arbida qurg‘oqchilik e'lon qilindi
Britaniya atrof-muhitni muhofaza qilish agentligi rahbari Jeyms Bivan aholini suvni tejab ishlatishga chaqirgan.
Angliya janubi-g‘arbida qurg‘oqchilik e'lon qilindi. Bu haqda Britaniya atrof-muhitni muhofaza qilish agentligi xabar berdi.
«Butun Angliya janubi-g‘arbi qariyb 90 yil ichidagi eng quruq ob-havo sharoitiga duch keldi», — deyiladi xabarda.
Qayd etilishicha, Bristol, Somerset, Dorset, Glostershir va Uiltshir grafliklarida qurg‘oqchilik e'lon qilingan.
Avvalroq Britaniya atrof-muhitni muhofaza qilish agentligi rahbari Jeyms Bivan aholini suvni tejab ishlatishga chaqirgandi.
Yevropa qurg‘oqchilik observatoriyasining avgust oyidagi hisobotida keltirilishicha, Yevropaning 47 foizida tuproq namligi tanqisligi, 17 foizi favqulodda holatda turibdi va bu ekinlar hosildorligiga salbiy ta'sir ko‘rsatmoqda. Holat – oxirgi 500 yillikdagi eng yomon qurg‘oqchilik deb baholandi.
Angliya janubi-g‘arbida qurg‘oqchilik e'lon qilindi 
