Oksford universiteti mutaxassislari tadqiqot o‘tkazib, chap qo‘lining ko‘rsatgich barmog‘i nomsiz barmog‘idan uzunroq bo‘lgan ayollar o‘z juftiga xiyonat qilishga moyil bo‘lishlarini aniqlashdi. Tadqiqot natijalari Biology Letters nashrida keltirilgan.

Natijalarga ko‘ra, xiyonat qilishga moyil bo‘lgan xonimlarning ko‘rsatgich barmog‘i nomsiz barmog‘idan uzunroq bo‘ladi. Biroq erkaklarda shunga o‘xshash bog‘liklik kuzatilmagan.

Olimlar aniqlashicha, barmoqlar uzunligi o‘zaro munosabati ayollar jinsiy gormoni estrogenlar darajasini aks ettirgan.

Tadqiqotda jami 474 nafar kishi ishtirok etgan. Ulardan anketa to‘ldirishni so‘rashgan. Anatomik ko‘rsatgichlari o‘lchanib, tahlillar olingan.