"Bilayn” "Chet elda to‘lov” xizmati bo‘yicha pul mablag‘larini qabul qilish tarmog‘i kengaygani haqida xabar beradi. QIWI to‘lov tizimi dunyoning istalgan nuqtasidan to‘lovlarni qiwi.ru sayti yoki smartfon va planshetlardagi qulay dastur orqali qabul qilish uchun kompaniyaning hamkorlik tarmog‘iga qo‘shildi.

"O‘z balansini nazorat qilgan holda doimo aloqada bo‘lish va birorta ham muhim qo‘ng‘iroqni o‘tkazib yubormaslik – kompaniya abonentlari uchun qulay xizmat, — dedi "Bilayn”ning sotuvlar bo‘yicha direktori Maksim Yefremov. — QIWIning shoxobcha va terminallarining soni yuz mingdan ortiq, ular orqali to‘lov esa komissiyasiz amalga oshiriladi”.

Rossiya, Qozog‘iston, Moldova, Ruminiya, Belorussiya, AQSh, Braziliya, Iordaniya hududlarida mavjud bo’lgan QIWI to’lov tizimi orqali 54 mingdan ortiq provayderlarning xizmatlarini to‘lash mumkin.

Hisobni to‘ldirish uchun "Bilayn” abonentlari QIWI tizimida ro‘yxatdan o‘tishlari va mavjud QIWI hamyonidan foydalanishlari zarur.