Hukumat ta’lim va sog‘liqni saqlash sohalari xodimlarini paxta yig‘im-terimiga jalb etishni taqiqladi.

O‘zbekiston hukumati 2017 yilgi paxta hosilini yig‘ib olishga voyaga yetmagan yoshlar hamda sog‘liqni saqlash va ta’lim sohalari tashkilotlari va xodimlarini jalb etishni qat’iyan taqiqladi.

15 avgust kuni AQSh Senatning xalqaro munosabatlar bo‘yicha Qo‘mitasi delegatsiyasi bilan uchrashuvda bandlik va mehnat munosabatlari vazirining birinchi o‘rinbosari Erkin Muhitdinovning xabar berishicha, 8 avgust kuni Vazirlar Mahkamasi tegishli bayonnoma qarorini imzolagan, deb yozadi "Gazeta.uz".

Erkin Muhitdinov umummilliy axborot kampaniyasi sharofati bilan jamoatchilik endilikda taqiqlangan mehnat munosabatlari amaliyotlari to‘g‘risida yaxshiroq xabardor qilinmoqda.

Uchrashuvda bolalar mehnatiga yo‘l qo‘ymaslik, O‘zbekistonda odam savdosi profilaktikasi bo‘yicha olib borilayotgan islohotlar hamda mehnat migratsiyasi sohasidagi qayta o‘zgarishlar bilan bog‘liq masalalar muhokama qilindi.