Londonning "Kings" kolleji olimlari koronavirus infeksiyasining eng aniq belgisi hid bilish qobiliyatini yo‘qotish degan xulosaga kelishdi. Bu haqda tadqiqotga tayanib "Reuters" xabar bermoqda. Hid bilishning yo‘qolishi bemorlarning deyarli 60 foizida kuzatilgan, ularda keyinchalik koronavirus tasdiqlangan va faqat 18% salbiy natija kuzatilgan. Ushbu kuzatish olimlarni hid bilish qobiliyatining yo‘qolishi, masalan, yuqori isitmadan ko‘ra ko‘proq koronavirus alomati degan xulosaga olib keldi. Tadqiqotchilar koronavirusga chalinganlarni aniqroq bilishga imkon beradigan modelni yaratdilar. Asosiy alomatlar quyidagicha ko‘rinishi oldi: hid va ta’m bilishni yo‘qotish, yuqori isitma, doimiy yo‘tal, zaiflik, diareya, qorin og‘rig‘i va ishtahani yo‘qotishdir. Kollej professori Tim Spektorning so‘zlariga ko‘ra, hid bilan bog‘liq muammolar paydo bo‘lishi infeksiya xavfini uch baravar oshiradi. "Bizdagi ma’lumotlarga ko‘ra, hid va ta’m bilish qobiliyatini yo‘qotadigan odamlarda COVID-19ni yuqtirish ehtimoli uch baravar yuqori, shuning uchun ular kasallik tarqalishini kamaytirish uchun yetti kun davomida o‘zlarini izolyatsiya qilishlari kerak", dedi Spektor.
Qaxvaxona - soundtreck (Offical)
Koronavirusning eng aniq belgisi ma’lum qilindi 
