Kecha, 27 noyabr kuni Moskva metrosining Sokolnicheskaya yo‘nalishi “Yugo-Zapadnaya” bekatida mudhish fojia qayd etildi. 25 yoshli O‘zbekiston fuqarosi bekat tomon harakatlanib kelayotgan poezd relesiga tushib ketdi. Bu haqda mahalliy OAV xabar bermoqda.

Voqea 27 noyabr kuni soat 16:45 atrofida sodir bo‘lgan. 25 yashar o‘zbekistonlik yigit voqea joyining o‘zida halok bo‘lgan. Zudlik bilan yetib kelgan tibbiyot xodimlari unga yordam ko‘rsatishga ulgurishmagan.

Sokolnicheskaya yo‘nalishi janubiy uchastkasida poezdlar harakati intervali oshirildi, “Yugo-Zapadnaya”, “Rumyansevo”, “Salarevo” va “Prospekt Vernadskogo” bekatlari esa vaqtincha yopildi.

Xabarlarda halok bo‘lgan O‘zbekiston fuqarosining shaxsi ma’lum qilinmagan.