O‘zbek kinosiyangi davrni boshlab bergan “Baron” filmi kun sayin tomoshabinlar e’tirofiga sazovor bo‘lib bormoqda. Kinoteatrdami yoki uyda "videoqaroqchilar" tarqatgan diskni ko‘rilayotganidan qat’i nazar film ijodkorlari ko‘zlangan maqsadga erisha oldi.
“O‘zbekkino” Milliy agentligi axborot xizmatining xabar berishicha, joriy yilning 31 yanvar kuni O‘zbekiston Respublikasi Mudofaa vazirligining Ma’naviyat va ma’rifat markazida “Baron” badiiy filmining ijodkorlari bilan uchrashuv hamda film taqdimoti bo‘lib o‘tdi. Unda film rejissyori Rustam Sa’diev, bosh rol ijrochilari Javohir Zokirov va Ulug‘bek Qodirov ishtirok etdi.
Tomoshadan so‘ng so‘zga chiqqan harbiylar hozirgi kunda butun dunyoga xavf solib turgan narkobiznes va unga qarshi kurash filmda hayotiy misollar bilan ochib berilganini hamda dolzarb masalaning xavf-xatari kino san’ati orqali keng yoritib berilgani ta’kidlab o‘tildi.
Mudofaa vazirligida "Baron" namoyish etildi 
