Ayni paytda O‘zbekiston qamoqxonalarida 26 mingdan ziyod mahkum saqlanmoqda. Bu haqda Oliy Majlis Qonunchilik palatasi Mudofaa va xavfsizlik masalalari qo‘mitasining kengaytirilgan yig‘ilishida aytib o‘tildi.

Qayd etilishicha, hozirda respublikada mavjud bo‘lgan 54 ta jazoni ijro etish koloniyasidan 18 tasi yopiq turdagi, 25 tasi manzil koloniya va 11 tasi tergov hibsxonlari hisoblanadi.

Jazoni ijro etish tizimida 26 mingdan ortiq mahkum mavjud bo‘lib, shundan 8 mingdan ortig‘i manzil koloniyada, 18 mingdan oshiq mahkumlar boshqa turdagi koloniyalarda jazo muddatini o‘tamoqda.