O‘zbekiston va Qoraqalpog‘iston respublikasi xalq artisti Ozodbek Nazarbekov bugun 40 bahorni qarshi oldi.

Xonandaning rasmiy saytida berilgan ma’lumotlarga ko‘ra, 18 kun poytaxtimizning "Istiqlol” san’at saroyida jonli ijroda konsert dasturini taqdim etgan san’atkor, 20 maydan "Mening baxtim” konsert dasturi bilan yurtimiz viloyatlari bo‘ylab gastrol safariga otlanadi.

Ijodiy safar Samarqand viloyati (20 may), Buxoro (21 may), Ishtihon (24 may), Andijon (27 may), Namangan (28 may), Farg‘ona (30 may) viloyatlari bo‘ylab 10 kun davom etadi.

Shuningdek, Ozodbek Nazarbekov 14 iyundan 2 iyulga qadar Rossiya Federatsiyasi bo‘ylab gastrol safari uyushtiradi.

O‘z o‘rnida bugungi sana munosabati bilan biz ham san’atkorni muborakbod etib, unga muxlislari nomidan barcha samimiy tilaklarni bildiramiz.