Angliya terma jamoasi vingeri Rahim Sterlingning uyiga o‘g‘ri tushdi.
The Telegraph nashrining xabar berishicha, voqea 3-dekabr, shanba kuni yuz bergan. Britaniyalik futbolchi uyiga ketishga qaror qilgan va 4-dekabr kuni bo‘lib o‘tgan Senegalga qarshi bahsni (3:0) o‘tkazib yuborgan.

O‘g‘irlik sodir bo‘lgan vaqtda Sterlingning rafiqasi va uch nafar farzandi uyda bo‘lgan. Talonchilar uydan 300 ming funt qiymatidagi soatni o‘g‘irlab ketgan.

“Chelsi” a’zosi tez orada Qatarga qaytish istagida. Rahim faqatgina oila a’zolariga shikast yetmaganiga ishonch hosil qilmoqchi bo‘lgan.

Sterling JCH—2022 da 2 ta o‘yinda maydonga tushib, bitta gol va bitta golli uzatmaga mualliflik qilgan.