Rossiyada ijtimoiy tarmoqlar foydalanuvchilarining yozishmalari tekshiriladi
Rossiya bosh vaziri Dmitriy Medvedev Rossiyaning aloqa, axborot texnologiyalari va ommaviy kommunikatsiyalar nazorati bo‘yicha federal xizmatiga ijtimoiy tarmoqlar foydalanuvchilarining yozishmalarini tekshirishga ruxsat berishni ko‘zda tutuvchi qarorni imzoladi.
Hukumat saytida e’lon qilingan qaror matniga ko‘ra, maxsus tartiblarga muvofiq internet tarmog‘i orqali tarqatiladigan barcha turdagi axborotni va bu axborotni olgan, qayta ishlagan yoki uzatgan foydalanuvchilar haqidagi ma’lumotlarni tekshirish amalga oshiriladi.
Bunday tekshiruvlar prokuraturaning ruxsatisiz, huquq-tartibot idoralari murojaatlari asosida amalga oshirilishi mumkin.
Ta’kidlanishicha, ushbu hujjat “terrorchilikka qarshi kurash paketi” qonunchilik tashabbusi doirasida qabul qilingan.
Rossiyada ijtimoiy tarmoqlar foydalanuvchilarining yozishmalari tekshiriladi 
