Avvalroq, xonanda Sharof Muqimovga piar qilish, shov-shuv yaratish maqsadida “turmushga chiqqan” aktrisa Sitora Alimjonova bugun, 9 avgust kuni yana bir bor kelinlik libosini kiydi. Ijtimoiy tarmoqlarda aktrisaning to‘y suratlari yashin tezligida tarqalmoqda. Uning to‘yi Tailandning Pxuket orolida nishonlanmoqda.

Sitoraning turmush o‘rtog‘i kimligi, qaysi kasb egasi ekani noma’lum. Oroldagi to‘yda uning ishtirok etgani yo etmagani ham mavhumligicha qolmoqda. Boisi ijtimoiy tarmoqlar orqali tarqatilayotgan suratlarning barchasida faqatgina kelin tasvirlangan, xolos. To‘yga esa shou-biznes olami vakillaridan faqatgina So‘g‘diyona Azimova borgani aytilmoqda.

Aslida Sitora Alimjonovanig turmushga chiqishi yangilik bo‘lmay qoldi. Bundan bir necha oy oldin aktrisa xonanda Sharof Muqimov bilan ham to‘y qilgandi. Filmlardagi haminqadar rollari bilan tanilgan aktrisaning navbatdagi to‘yi haqiqat yoki yolg‘onligi, yana biror filmning suratga olish jarayoniligi haqidagi taxminlarimiz hali o‘z isbotini topganicha yo‘q.