Samarqandda ekskursiya dabldekerlari yura boshlaydi
Samarqandda yaqin oylar ichida sayyohlik yo‘nalishi bo‘yicha ekskursiya dabldekerlari qatnovi yo‘lga qo‘yiladi. Bu haqda “Anons.uz” “O‘zbekturizm” kompaniyasi raisi Farrux Rizayev ma’lumoti asosida xabar beradi.
“Samarqand O‘zbekistonning asosiy sayyohlik shaharlaridan biri hisoblanadi. Bunday avtobuslarning u yerda paydo bo‘lishi qadimiy shaharga tashrif buyurishga qiziqishni yanada orttiradi”, — deydi Rizayev.
Uning ta’kidlashicha, dastlab xitoylik avtomobil ishlab chiqaruvchilardan oltita avtobusning xarid qilinishi rejalashtirilmoqda. Zarurat bo‘lganda ularning soni ko‘paytiriladi.
Avtobus Samarqandning asosiy diqqatga sazovor joylari, ular haqidagi afsonalarni sakkizta tilda so‘zlab beruvchi o‘ziga xos audioekskursiya bilan jihozlanadi.
Samarqandda ekskursiya dabldekerlari yura boshlaydi 
