Samarqanddagi 5 binoda oliy o‘quv yurtlariga bakalavr yo‘nalishiga kirish imtihonlari olinadi. Bu haqda Sputnik ma’lum qildi.

“Samarkandskiy vestnik” nashriga ko‘ra, kirish imtihonlari SamDU akademik litseyi sport zalida (540 o‘rin), o‘yin turlari va yengil atletikaga ixtisoslashtirilgan bolalar-o‘smirlar sport maktabining 3 ta zalida (jami 1 440 o‘rin) hamda Samarqand pedagogika va servis kasb-hunar kolleji binosida (1 080 o‘rin) o‘tkaziladi.

Ma’lumot uchun, O‘zbekistonda oliy ta’lim muassasalariga kirish uchun test sinovlari 1-avgustdan 15-avgustga qadar o‘tkaziladi. Natijalar test sinovlari o‘tkazilgan kunning ertasi Davlat test markazining rasmiy veb-saytida e’lon qilinadi.