Ayni paytda Telegram messenjeri orqali tarqalgan fotosuratlar, ayniqsa, avtomobil ishqibozlarini shoshirib qo‘ygani aniq. Haqiqatan ham yangi avtoulovning ijtimoiy tarmoqlarda yashin tezligida tarqalmoqda. Fotosuratlarda Malibu avtomobili yanada hashamdor ko‘rinishga ega bo‘lganini ko‘rish mumkin. Hozircha bizda bor norasmiy xabarlarga qaraganda, shu kunlarda Sirg‘ali tumanidagi avtosalonlarning biriga siz suratda ko‘rib turgan Malibu avtomobilining yangi to‘qqizinchi avlodi namuna sifatida keltirilgan. Hozircha bunday turdagi mashinaning qachon savdoga chiqarilishi va uning bahosi haqida ham aniq ma’lumotlar yo‘q.
Aslida, Malibu’ning to‘qqizinchi avlodi 2015 yilda Nyu-Yorkdagi o‘tkazilgan motor-shouda rasman namoyish etilgan edi. Yangi kuzovdagi avtomobil salonida rul hamda boshqaruv paneli o‘zgartirilgan. Mashinaga 10ta xavfsizlik yostiqchalari, navigator, orqa tasvirni yozadigan kamera, smartfonlar uchun simsiz quvvatlantiruvchi uskunalar kiritilgan. An’naviy chiroqlar o‘rnini uzun va qisiq faralar egallagan.
Toshkentda yangi Malibu’ning suratlari tarqaldi 
