Ucell мобил алоқа оператори «Оддий» тариф режасидаги интернет нархини оширади. Бу ҳақда компания расмий сайтида ахборот берилган.

Хабар беришларича, 2013 йил 17 декабрдан «Оддий» тариф режасида 1 мегабайт интернет нархи 6 центдан 8 центгача қимматлашади. «Абонентлар кунлик интернет тўпламини харид қилиб, интернетдан 9 баробаргача арзонроқ нархда фойдаланишлари мумкин», – дейилади компания хабарида.

Ўз навбатида, Ucell 10 декабрдан бошлаб «Чексиз «Одноклассники», «Чексиз Mail.Ru agent», «Спринт», «Ҳаммаси биттада плюс» хизматларига уланишлар бекор қилинади ва тўхтатилади. «Ҳаммаси биттада плюс» хизматининг амал қилиш муддати абонент уланган кундан бошлаб 30 кун қилиб белгиланади ва 2014 йил 10 январдан хизмат бекор қилинади, «Ҳаммаси биттада» хизмати эса 2013 йил 20 декабрдан бекор қилинади.

Ucell’нинг маълум қилишича, компания абонентлари кунлик ва ойлик интернет пакетларни харид қилиб, интернетдан беш баробаргача арзонроқ нархда фойдаланишлари мумкин.