Yangi kartina ekranlarda necha kun turib bera oladi? Tillarda va dillarda-chi?
10-iyuldan yurtimiz kinoteatrlarida namoyish etilayotgan yangi kartinaga nisbatan tomoshabinlar sevgi-muhabbat tuyg‘ularidan boshqa mavzularda ham kino yaratish, yaratganda ham yaxshigina taassurot qoldirish mumkinligi borasida xulosalar chiqarishayotir. Rejissyor Ilhom Muhammadibrohimovning iste’dodli ssenariynavis Yolqin To‘ychiev ssenariysi asosida suratga olgan “Sadoqat” filmi oilaviy munosabatlar va qadriyatlar haqida. Mazkur film hozirgi paytda ekranlarga chiqayotgan oldi-qochdi filmlardan tubdan farq qiladi. Aka-uka, aka-singil o‘rtasidagi mehr-oqibat, ziddiyatli holatlar film syujetini asoslaydi. Ota-onadan erta yetim qolgan oilada to‘ng‘ich o‘g‘il - oila boshlig‘i. Singil va ukaning tashvishi akaning zimmasida. Bu oilaning boshiga taqdirning og‘ir zarbalari tushadi. Ana shunda har bir qahramon sinovdan o‘tadi. Yosh rejissyor tajribali ssenariynavis Yolqin To‘ychievning saviyali materialiga tayanib, hayotiy voqeliklarni ochib beradi. Bosh qahramonlar obrazini aktyorlar Yoqub Ahmedov, Nargiza Salmonova, Muqaddas Sa’dullayeva, Umid Iskandarov ijro etdi. Film kutilmagan holatlarga boy. Tomoshabin intrigalarga boy syujetni qiziqish bilan kuzatadi. Yosh rejissyorning jiddiy mavzuni ko‘tarib chiqqani e’tiborga loyiq. Insoniy munosabatlarga yolg‘on aralashsa, xiyonat, razolat oilada hukm sursa, bunday oila barbod bo‘ladi. Professional kinoijodkorlar bilan hamkorlikda rejissyor hayotiy mavzuni ishonarli tarzda ochib bergan. “Sadoqat” filmining yoshlarimiz uchun saboq bo‘ladigan jihatlari ko‘p. Oilaning, muhabbatning qadriga yetish, sevgisiga, o‘z hayotiy prinsipiga sodiq qolish-filmning asosiy g‘oyasidir.
Hozirgi o'zbek filmlari issuda kinoteatrga borib ikki soat vohtti sarflashga umuman arzimidi! To'risini etsam o'zimizani shou bizzga vawe qziqmi qo'ygaman...
Hayot Sinovlari - Gulim
Yangi kartina ekranlarda necha kun turib bera oladi? Tillarda va dillarda-chi? 
