7 yanvarda O‘zbekistonning aksariyat hududlarida yomg‘ir va qor yog‘ishi kutilmoqda
7 yanvar kuni O‘zbekistonning aksar hududlarida yog‘ingarchilik kuzatiladi.
«O‘zgidromet» ma’lumotlariga ko‘ra, shu kuni aksariyat hududlarda yomg‘ir yog‘sa, Qoraqalpog‘iston Respublikasi va Xorazm viloyatida qor ham yog‘ishi mumkin. Farg‘ona vodiysi viloyatlarida esa ochiq havo bo‘lishi kutilmoqda.
7 yanvar kuni Farg‘ona vodiysidan boshqa barcha hududlarda, xususan, tog‘li hududlarda ham shamol tezligi soniyasiga 15-20 metrgacha kuchayishi kutilmoqda. Butun O‘zbekiston bo‘ylab tuman tushishi ehtimoli bor.
Qoraqalpog‘iston Respublikasi va Xorazm viloyatida 7 yanvarga o‘tar kechasi havo harorati -5 darajagacha, Farg‘ona vodiysida -2 darajaga sovishi mumkin, qolgan hududlarda 0…+7 daraja iliq oralig‘ida bo‘ladi.
7 yanvar kuni kunduzi esa shimoliy hududlarda +2…+7 daraja, Farg‘ona vodiysida +5…+10 daraja, tog‘li hududlarda -3…+2 daraja, boshqa hududlarda esa +13 darajagacha iliq bo‘ladi.
Gulperi - Soundtreck music (Turk serial)
7 yanvarda O‘zbekistonning aksariyat hududlarida yomg‘ir va qor yog‘ishi kutilmoqda 
