AQShning Men shtatidagi Kennebank shahri maktablaridan
birida o‘quvchi qizning cho‘ntagida iPhone 5c smartfoni qizib, cho‘g‘lanib
ketgan. Bu xususda Portland
Press Herald xabariga asoslanib "RIA Novosti” ma’lum qildi.
14 yashar
bu o‘quvchi qizning smartfoni shimining orqa cho‘ntagida bo‘lgan. U stulga
o‘tirganida chirsillagan ovozni eshitgan, keyin esa tutun ham chiqqan. Maktab
direktorining aytishicha, qiz dastlab vahimaga tushgan, lekin tezda o‘zini
qo‘lga olib, sinf bo‘ylab yugura boshlagan. Biroq bundan uning kiyimi alanga
olgan, iPhone esa cho‘ntagidan tushib qolgan. Sinfdosh qizlar tezda bolalarni
chiqarib yuborib, dugonalariga kiyimlarini yechib olishda yordam berishgan. Qizni
kasalxonaga eltishganida, shifokorlar unga ikkinchi darajali kuyish tashxisini
qo‘yishgan va tezda zaruriy yordam ko‘rsatishgan.
Mahalliy
hokimiyat hozir bu voqeani o‘rganib chiqmoqda. Kennebank yong‘indan muhofaza
qilish xizmati xodimlarining taxminiga ko‘ra, telefon cho‘ntakda qiyshayib, korpusi
batareyaga tegib, qisqa tutashuv sodir qilgan.
Apple
kompaniyasi hozircha bu voqea yuzasidan biron fikr bildirmagan.