O‘zbekiston Fifa reytingi tarixida ilk bor Rossiyani ortda qoldirdi
Xalqaro futbol federatsiyasi (FIFA) milliy terma jamoalarning oktabr oyi uchun yangi reytinggini e’lon qildi. Unga ko‘ra O‘zbekiston terma jamoasi avvalgi oygiga nisbatan 1 o‘ringa ko‘tarilib, 48-o‘rinni egalladi.
E’tiborlisi, Rossiya terma jamoasi yangilangan reytingda 53-o‘rinni egalladi. O‘zbekiston FIFA tarixida ilk bor Rossiyani ortda qoldirdi.
Samvel Babayan murabbiyligi ostidagi O‘zbekiston termasi Osiyoda Eron (837 ochko), Avstraliya (663) va Janubiy Koreya (640) terma jamoalaridan keyin to‘rtinchi pog‘onani egalladi.
FIFA reytingida 1646 ochko bilan hamon Argentina terma jamoasi yetakichilik qilmoqda. Undan keyingi o‘rinlarni Germaniya va Braziliya termalari egalladi. Kuchli o‘nlikdan esa Belgiya, Kolumbiya, Chili, Fransiya, Portugaliya, Urugvay hamda Ispaniya terma jamoalari joy oldi.
O‘zbekiston Fifa reytingi tarixida ilk bor Rossiyani ortda qoldirdi 
