O‘zbekistonnig tog‘li hududlarida 17-iyungacha sel kelishi xavfi e’lon qilindi
O‘zbekistonning tog‘li va tog‘ oldi hududlarida sel kelishi xavfi e’lon qilindi. Bu haqda “O‘zgidromet” markazi ma’lum qildi.
“O‘zbekistonning tog‘li va tog‘ oldi hududlarida 15—17-iyun kunlari sel kelishi xavfi bor”, — deyiladi markaz axborotida.
Ayni vaqtda, O‘zbekiston Favqulodda vaziyatlar vazirligi sel kelishi xavfi munosabati bilan tog‘li va tog‘ oldi hududlaridagi aholini, shuningdek, shunday hududlarga yo‘l olganlarni ehtiyot choralarini ko‘rishga chaqirgan.