Shakar semizlikka dangasalikdan ko‘ra ko‘proq sabab bo‘lishi ma’lum qilindi
Britaniyalik olimlar semizlikka dangasalik emas, balki shakar va uglevodlar sabab bo‘ladi, deb ta’kidlashmoqda: yaxshi ovqatlanmaslik – jismoniy harakatning yetishmasligi, chekish va spirtli ichimliklar birgalikda keltiradigan ziyonlardan ko‘ra ko‘proq turli kasalliklarning kelib chiqishiga sabab bo‘ladi. Bu haqda The Daily Mail nashri xabar bermoqda.
Odamlar semizlik ko‘p o‘tirish, harakatsizlik tufayli kelib chiqadi, degan yanglish tushunchaga egalar deb aytilmoqda British Journal Of Sports Medicine nashri uchun tayyorlangan maqolada Asim Malxotra boshchiligidagi bir guruh mutaxassislar. Mutaxassislarning aytishicha, oxirgi 30 yil ichida jismoniy faollik darajasi deyarli o‘zgarmagan bo‘lsada, semiz odamlar soni keskin ko‘payib ketgan.
Shu tariqa, mutaxassislar belning borgan sari kengayishiga iste’mol qilinayotgan kaloriyalar sabab bo‘lishini aytmoqdalar. Olimlar “siz yomon ovqatlanishdan yugurib o‘tib keta olmaysiz” deb ta’kidlamoqdalar.