Toshkent viloyatida maktabning 9-sinf o‘quvchisi o‘z joniga qasd qildi. Bu haqda viloyat prokuraturasi xabar berdi.

Ma’lum qilinishicha, shu yilning 21 aprel kuni Olmaliq shahar xalq ta’lim bo‘limiga qarashli umumta’lim maktabining 9-sinf o‘quvchisi I.T. o‘z joniga qasd qilgan. Bu haqda rasmiy xabar bugun, 2 may kuni e’lon qilindi. O‘quvchining ahvoli haqida aniq ma’lumot berilmagan.

Bildirilishicha, holat yuzasidan Olmaliq shahar prokuraturasi tomonidan tergovga qadar tekshiruv harakatlari olib borilmoqda.

Eslatib o‘tamiz, shu yilning 27 fevral kuni Andijon viloyati Shahrixon tumanida 11 yoshli bola o‘z joniga qasd qilgan edi. Shuningdek, 7 aprel kuni Navoiy viloyati Xatirchi tumanida 17 yoshli qiz ko‘p miqdorda dori ichib, komaga tushgandi.