WhatsApp’da ovozli qo‘ng‘iroq funksiyasi ishlab chiqilishi mumkin
WhatsApp’ning iOS uchun yangilangan versiyasida, dastur orqali ovozli qo‘ng‘iroqlarni amalga oshirish funksiyasi ishlab chiqilishini kutishga undovchi xabar mavjud. Unda, WhatsApp orqali ovozli xabarlar jo‘natish, videolarni ovozi bilan yozish va ovozli qo‘ng‘iroqlarni amalga oshirish uchun mikrofon zarur, deb yozilgan. Bu haqda Phonearena.com sayti ma’lumotiga asoslanib “Parol” nashri xabar berdi.
Quyidagi ketma-ketlik orqali mikrofondan foydalanishni yoqib yoki o‘chirib qo‘yish mumkin:
Settings > Privacy > Microphone > WhatsApp
Shuningdek, yangi versiyada iPhone 5s orqali Slow Motion – “sekinlashtirilgan” videoni bo‘lishish, videolarni bo‘lishishdan oldin qirqish va boshqa qo‘shimchalar mavjud.