Avval xabar berganimizdek, yosh va iste’dodli rejissyor Ozod Shams o‘zining navbatdagi “7 olam” deb nomlangan filmini suratga oldirgan edi. Ayni damda mazkur kinokomediya ustida olib borilayotgan ishlar yakuniga yetdi va katta ekranlarga chiqish arafasida. 12-sentabr kuni premerasi o‘tkazilishi rejalashtirilgan bu kartinani siz 13-sentyabrdan yurtimiz kinoteatrlarida tomosha qilish imkoniga egasiz.
Eslatib o‘tamiz, “7 olam” kartinasining bosh qahramonlari obrazini latofatli aktrisa Zarina Nizomutdinova va Alisher Usmonov yaratgan. Filmda shuningdek, Muhammad Iso Abdulxayirov, Murod Rajabov, Sitora Alimjonova, Oydin Yusupova, Aziza Begmatova, Habibullo Nizomov, Umid Iskandarov Rajab Adashev, Zuhra Soliyevlar ham ishtirok etishgan. Kartina prodyuseri Ruslan Mirzaev.
Sevimli ijodkorlaringiz ishtirokidagi “7 olam” filmining namoyishidan batafsil ma’lumot va qaynoq fotoreportajni kutib qoling. Bizdan yiroqlashmang.
“7 olam” filmining premera kuni aniq 
