"Barselona" klubi himoyachisi Jordi Alba jamoa bilan yangi kelishuvga erishdi.
Yangi kelishuv 2020 yilga qadar davom etadi. Futbolchining transfer narxi esa 150 mln yevro etib belgilandi.
Kelishuv bandlari tez kunlarda rasman e’lon qilinadi.
Ma’lumot uchun, Alba kataloniyaliklar jamoasiga 2012 yilda "Valensiya"dan kelgandi. U "ko‘k-anorranglilar" safida ikki marta Ispaniya chempionligi (2012/13, 2014/15), bir marta Ispaniya kubogi (2015) hamda bir marta Ispaniya Superkubogini qo‘lga kiritgan. U 2014-15 yilgi mavsumda 27 o‘yinda maydonga tushib, 1 gol hamda 3 golli pas muallifiga aylandi.
Alba «Barselona» bilan shartnomasini uzaytirdi 
