AQSH prezidenti Bayden COVID-19’ni yengil shaklda o‘tkazayotgani maʼlum bo‘ldi
AQSH prezidenti Bayden COVID-19’ni yengil shaklda o‘tkazayotgani maʼlum bo‘ldi
Oq uy maʼlumotlariga ko‘ra, 79 yoshli Jo Bayden birinchi marta koronavirusni yuqtirib oldi va o‘zini yakkalash rejimida ishlashda davom etib, kasallikni yengil alomatlar bilan o‘tkazmoqda.AQSh prezidenti Jo Bayden koronavirus infeksiyasini yengil shaklda o‘tkazmoqda. U o‘zini yaxshi his qilmoqda va ishlashda davom etmoqda, deya xabar berdi 22 iyul, juma kuni Oq uy matbuot kotibi Karin Jan-Per. Xususan, u maslahatchilar bilan muloqot qilyapti, qonun loyihalarini imzolayapti va maxsus xizmatlarning kundalik brifinglarida qatnashyapti, dedi u.
O‘sha kuni iqtisodiy masalalar bo‘yicha yig‘ilishda Bayden video-aloqa orqali o‘zini «yaxshiroq his qilayotgani” haqida xabar berdi. Avvalroq davolovchi shifokorlar qayta emlangan prezidentda COVID-19’ning yengil alomatlari borligi va u davolash jarayoniga yaxshi reaksiya ko‘rsatayotganini maʼlum qilgandi.
79 yoshli Baydenning 21 iyul kuni pandemiya boshlanganidan beri koronavirus uchun topshirgan testida birinchi marta musbat natija chiqdi. U Oq uyda o‘zini o‘zi yakkalash rejimida bo‘lib turibdi hamda virusga qarshi dorilar bilan davolanmoqda. Uning testi manfiy bo‘lishi bilanoq u odatdagidek ishga qaytishni rejalashtirmoqda, bu haqda qo‘shimcha xabar beriladi.
Ayol Qalbi - True Love
AQSH prezidenti Bayden COVID-19’ni yengil shaklda o‘tkazayotgani maʼlum bo‘ldi 
