Nargiz Zokirova O‘zbekistonni “do‘zax” deb atagani uchun uzr so‘radi
Qo‘shiqchi Nargiz Zokirova Rossiya OAVlariga bergan intervyusida ijtimoiy tarmoqlarda o‘z vatanini “do‘zax” deb atagani uchun uzr so‘radi.
“U darhaqiqat mening vatanim, mening ildizlarim, men o‘zbek ekanligimdan faxrlanaman”, – uning so‘zlarini keltiradi Super portali.
“Mening nomimga aytilgan haqoratlarni o‘qish yoqimli emas albatta, men bunga ko‘z yumishga harakat qildim, – davom etdi so‘zida xonanda. – Lekin nabiramning surati ostiga yozilgan gaplarni o‘qib chidab tura olmadim. U odamlar yozgan gaplarni tilga olishga ham uyalasan. Kecha kuni bilan yig‘ladim. Buni o‘qish juda og‘ir botdi. Men vatandoshlarimga bu xabarni hissiyotga berilgan holda yozganimni tushuntirmoqchiman. Balki, noto‘g‘ri vaqtda noto‘g‘ri joyda tug‘ilgandirman, ularning tasavvurlariga mos emasdirman. Lekin o‘zim tug‘ilgan, ota-onam yashayotgan yerni, vatanimni qanday yomon ko‘rishim mumkin? Shu millat tufayli men dunyoga keldim. Lekin ayrim vatandoshlarim meni ularga o‘xshamaganim uchun yomon ko‘rishlaridan juda xafaman. Axir shu tufayli vatanimni tark etishga majbur bo‘ldim. Meni noto‘g‘ri tushungan odamlar oldida uzr so‘ramoqchiman; men butun O‘zbekistonni nazarda tutmagan edim”.
Eslatib o‘tamiz, Nargiz Zokirova ijtimoiy tarmoqlarda unga nisbatan aytilgan haqoratlarga javoban qoldirgan xabarida O‘zbekistonni “do‘zax”ga o‘xshatgan edi. Keyinroq u bu so‘zlari uchun uzr so‘rab, faqat uni haqorat qilgan insonlarni nazarda tutganini tushuntirib o‘tdi.
bundan battar buliwi ham mumkin edi kim vatanini yomn gapirsa qarab turadi kim manimcha Rassiyaga borgandan Ozbni unitib yuboribdi Mana wunday jannat makon serquyow ulkamiGahec qaysi davat teng kela olmaydi O'zbekiston doim birinci Sani sevaman Ozbekiston
Sevgi Iztirobi (Kara Sevda) - Soundtreck 2
Nargiz Zokirova O‘zbekistonni “do‘zax” deb atagani uchun uzr so‘radi 
