O‘zbekiston terma jamoasi Falastin termasi ustidan g‘alaba qozondi va guruh peshqadami bo‘lib oldi.

Vadim Abramov bu bahsni tarkibdagi o‘zgarishlar bilan boshladi. Odil tayanch yarim himoyasidagi o‘z o‘rniga qaytib, o‘yinni boshqardi. Erdor Shomurodov esa yana goleadorligini namoyish etib, uchrashuvda kiritilgan ikki golga ham mualliflik qildi.

Endi, terma jamoamiz saralashning 7-turida (2020 yil 26 mart kuni) dam oladi. 8-turda esa (2020 yil 31 mart kuni) Yamanga safar qiladi.

Eslatib o‘tamiz, O‘zbekiston termasi Ektor Kuper boshchiligida birinchi turda Falastindan mag‘lubiyatga uchragandi.

JCh-2022 ikkinchi saralash bosqichi.

«D» guruhi. 6-tur. 19 noyabr

O‘zbekiston – Falastin – 2:0

Gollar: Eldor Shomurodov (17, 58)

O‘zbekiston: 1.Eldor Suyunov, 3.Hojiakbar Alijonov, 5.Rustam Ashurmatov, 20.Islom To‘xtaxo‘jaev, 23.Oleg Zoteyev, 8.Ikrom Aliboyev, 13.Sanjar Qodirqulov, 9.Odil Ahmedov, 10.Jaloliddin Masharipov (22.Jamshid Iskanderov, 73), 17.Dostonbek Hamdamov, 14.Eldor Shomurodov (11.Temurxo‘ja Abduxoliqov, 78).

Falastin: 22.Rami Hamada, 3.Muhammad Rashid (8.Muhammad Yamin, 55), 5.Yosir Hamid, 7.Musab Battat, 11.Yosir Islom (19.Mahmud Vadi, 74), 14.Abdulloh Jobir, 15.Abdullatif Bahdari, 18.Solih Chihadeh, 20.Nazmi Al Badavi, 21.Islom Batran, 23.Muhammad Darvish.