Эстрадамизда яқиндагина ижод қилишни бошлаган бўлса-да, мухлислари сони кўпчиликни ташкил этувчи Тамила яна бир туҳфа тайёрламоқда.
Айни вақтда янги клип устида ишлаётган Тамилани мазкур видеода 13 хил образда кўришингиз мумкин. “Ла ҳабиби” қўшиғига ишланаётган клип мухлислари учун ажойиб янгилик бўлиши турган гап.
Сабаби севимли хонандаларини турли ва кутилмаган кўринишларда томоша қилишлари учун имкон яралади. Тимур Примқулов билан ҳамкорликда суратга олинган видеоклип тез кунларда тайёр бўлиши ваъда қилинди.
Клип ғояси ва сюжети ҳақида хозирча тўлиқ тафсилотлар берилмаган бўлса-да, видео ноодатий тарзда бўлиши кутилмоқда. Сайтимизга жойлаштирилган фотосуратлар орқали бунга ўзингиз ҳам амин бўлишингиз мумкин.
3 кун давомида суратга олинган клипдаги 13 хил образ алоҳида ўз ўрнига эга ва улар маълум бир характерли персонажни акс эттиради.
Тамиладан оригинал образларга бой видеоклип биринчилардан бўлиб сайтимиз орқали премьера қилинади.
Tamila 13 xil obrazda ko‘rishingiz mumkin 
