“Uddalab bo‘lmas topshiriq-8”ni suratga olish jarayonlari davom etayotgan bir vaqtda bosh qahramon ijrochisi Tom Kruz film jamoasini Rojdestvo arafasida xursand qilishga qaror qilgan.

Aktyor sevimli novvoyxonasida pishirilgan 300 dona tort ortilgan samolyotni Los-Anjelesdan Buyuk Britaniyaga yuborgan. The Sun nashrida yozilishicha, buning uchun Kruz bir necha ming dollar sarflagan.

“Bu g‘alati tuyulishi mumkin, ammo Tom aqlbovar qilmas darajada saxiy odam va u film ustida u bilan birga ishlayotgan hammani xursand qilishni istadi”, — degan manba.

Avvalroq Tom Kruzning “Uddalab bo‘lmas topshiriq-8”ni suratga olish maydonchasidagi suratlari tarqalgani, aktyorning semirib ketgani muxlislar e’tiroziga sabab bo‘lgani haqida xabar berilgandi.