Bugun O‘zbekiston Olimpiya terma jamoasi U-23 Osiyo chempionati chorak final bahslari doirasida BAA olimpiya terma jamoasiga qarshi maydonga tushdi. Uchrashuvda Lyubinko Drulovich boshchiligidagi O‘zbekiston Olimpiya terma jamoasi BAA yoshlarini 3:1 hisobida dog‘da qoldirib, yarim finalga chiqdi.

Bangkokdagi “Rajamangala” stadionida o‘tkazilgan o‘yinning 13-daqiqasida amirliklar vakili Zayd al Amiri himoyachilarning xatosidan foydalanib hisobni ochdi (1:0).
Oradan 2 daqiqa o‘tar-o‘tmas vakillarimizdan Ilhom Alijonov uzoq masofadan kuchli zarba yo‘llab hisobni tenglashtirdi.
Shundan so‘ng katta sahnaga Islom Qobilov chiqib keldi. U 26-daqiqada vakillarimiz foydasiga belgilangan penaltidan unumli foydalanib hisobni 1:2 ko‘rinishiga keltirdi. Shundan so‘ng ham vakillarimiz bosimni kamaytirmay harakat qilishdi va bu yakunda o‘z samarasini berdi. 40-daqiqada Oybek Bozorovning uzoqdan yo‘llagan ajoyib zarbasi musobaqadagi en chiroyli gollardan biriga aylandi.
Shu tariqa vakillarimiz 1-bo‘limni 1:3 hisobidagi ustunlik bilan yakunlashdi.

2-bo‘limda ham har ikki terma jamoada bir qator imkoniyatlar bo‘lsa-da 84-daqiqagacha hiso o‘zgarmay turdi. Bu vaqtga kelib esa Jasur Yaxshiboyev ham o‘z nomini tabloga yozdirib qo‘ydi va hisob yirik (1:4) ko‘rinishga keldi. Biroq vakillarimiz bu bilan kifoyalanib qolishgani yo‘q. 94-daqiqaga kelib Nurillo To‘xtasinov chempionatdagi 2-golini urib, tabloni 1:5 ga o‘zgartirib qo‘ydi. Shu tariqa o‘zbekistonlik olimpiyachilar ishonchli g‘alaba bilan arablarni taslim etib, yarim finalga yo‘l oldi.
Endi O‘zbekiston U-23 trerma jamoasi 22-yanvar kuni yarim finalda Saudiya Arabistoni olimpiya termasiga qarshi maydonga tushadi.