Endi Milliy operatorimiz Sim-kartali, Uzmobile GSM tarmog‘ini ishga tushiradi
Endi "Uzmobile"ga ulanish uchun uning telifonlarini sotib olishga hojat yo'q. Ucell va UMS kabi uning ham Sim-kartasini olib, istagan telifoningizga qo'yib ishlatishingiz mumkin.
24-yanvar kuni Aloqa, axborotlashtirish va telekommunikatsiya texnologiyalari davlat qo‘mitasida Aloqa vaziri Mirzoxidov Xurshid Mirsobirovich ishtirokida 2014-yil yakunlari va 2015-yil rejalariga bag‘ishlangan yig‘ilish bo‘lib o‘tdi. Bu haqda “Kun.uz”xabar bermoqda.
Ushbu yig‘ilishda “O‘zbektelekom” aksiyadorlik kompaniyasi direktori A. Abdumo‘minov Aloqa vaziriga 2015-yilning mart oyida, Navro‘z bayrami arafasida ushbu aloqa operatorida GSM tarmog‘i ishga tushirilishiga tayyorgarlik ketayotgani to‘g‘risida hisobot berdi.
Ma’lumot uchun, Uzmobile shu kungacha CDMA-450 vositasida faoliyat yuritib keladi.
Kompaniya direktorining vazir savollariga javob berishi davomida ma’lum qilishicha, ushbu milliy operator tarmog‘i bilan shu yilning ikkinchi yarmida Toshkent shahri va Toshkent viloyati, 2015—2017-yillar oralig‘ida esa respublikaning barcha aholi puktlarini qamrab olish rejalashtirilgan.
Shu tariqa, O‘zbekiston hududida Beeline, Ucell va UMS aloqa operatorlariga raqobat bo‘luvchi milliy mobil aloqa operatori tashkil etiladi.
Endi Milliy operatorimiz Sim-kartali, Uzmobile GSM tarmog‘ini ishga tushiradi 
