Mustaqil O‘zbekistonning yutuqlari haqidagi mustaqillik.uz portali ishga tushdi
O‘zbekiston mustaqilligining 24 yillik bayrami arafasida mustaqil O‘zbekistonning buyuk yutuqlari haqidagi mustaqillik.uz nomli portalni ishga tushirildi. Bu haqda Uzinfocom markazi xabar bergan.
Ushbu portalda o‘zbek xalqi hayotidagi eng muhim voqealar va yutuqlar bilan tanishish mumkin. Unda O‘zbekistonning muvaffaqiyatlarini namoyish etuvchi raqamlar va faktlar yillar va mintaqalar bo‘yicha berilgan.
Portalning asosiy vazifasi quyidagilardan iborat:
- mamlakat aholisini mustaqillik yillaridagi yutuqlar bilan tanishtirish;
- vatanparvarlik tuyg‘usini oshirish va aholini bir maqsad yo‘lida birlashtirishga erishish;
- asrlar davomida yaratilgan bebaho ma’naviy va madaniy merosni qayta tiklashga intilish;
- yosh avlod ongida mamlakat kelajagiga nisbatan mas’uliyatni oshirish.
"Saytimizga tashrif buyuring, multimedik materiallar bilan tanishing va baho bering. Loyiha mualliflari axborotlar ishonchli va batafsil bo‘lishi ustida jiddiy ishlashgan", deyiladi xabarda.
Mustaqil O‘zbekistonning yutuqlari haqidagi mustaqillik.uz portali ishga tushdi 
